Chai ki piyali, dosto ke sang - Poem By Rakashas

Chaey dosto ke sang

 

Ki ek sama bandh-ta tha, 

Jab yaaro ke sang Chaey pine ka silsila chalta tha, 

Doobh jatey thai hum chaey ki piyali me, 

Chaey ke sath dosto ka nasha chadta tha. 

Chaey bhi toh apne rang me rangi ahti thi, 

Chaey ki piyali badi khusboo bikherti chali jati thi, 

Didar ho jata tha piyali me chaey ki yaaro ka, 

Jab dosto ke sath chaey apna silsila chalti thi. 

Saase mehak jati thi khushbo se us chaey ki piyali ke sath jo ahti thi, 

Dosto ke saang bitai batein piyali yaad dilati thi, 

Hath me leke piyali toh asman bhi ranga hua lagne lagta tha, 

Rang esa chadta tha dosto ke sang jab chaey ka silsila chalta tha. 

Ek dariya dekhte thai hum us chaey ki piyali ke bhitar jab utarte thai,

Doob jatey thai bina kuch kare ese jab chaey ke ghooth pite thai, 

Chaey ek tarang si yaro ke sang chour jati thi, 

Chaey ki piyali dosto ke sang esa nasha chadati thi. 

Haste huey dost jab natak karte thai udasi ke rang me range huey, 

Ese silsilo me chaey fir hume bulati thi, 

Apni nami bikherti, hume yaaro se 2-4 batein karwati thi, 

Mehfil jamti thi yaro ke sang bar bar chaey  ki piyali ese gooth marwati thi. 

Biiti jo yadein aaj yaad ahti hain, 

Chaey ka mitha sa nasha chour jati hain, 

Yaaro ki yadein sath chour jati hain, 

Mulakat ke pal wo yaad dilati hain, 

Chaey ki piyali aj bhi dosto ke sang hume bulati hain. 

-Rakashas